جسمانی چوٹوں دے حوالے توں اوہ وکیل جیہڑے پنجابی بولدے نیں

اسی جسمانی چوٹ، انشورنش اتے معذوری دے حوالے توں مخصوص قنونی فرم آں جیہڑی کہ پورے اٹلانٹک کینیڈا وچ کم کردی اے۔ اسی پورے اٹلانٹک کینیڈا وچ اوہناں لوکاں نوں مدد دیندے آں جنہاں نوں کسے حادثے وچ جسمانی چوٹ آئی ہووے یا معذوری دے حوالے توں اوہناں دیاں مراعات رد ہوئیاں ہون۔

جے تہانوں کسے حادثے وچ جسمانی چوٹ آئی ہووے یا معذوری دے حوالے توں مراعات رد ہوئیاں ہون، تاں ساڈی قنونی فرم دیاں خدمتاں لین نال تہانوں ایس گل نوں یقینی بنان وچ مدد لبھ سکدی اے کہ تہانوں اوہ سیٹلمینٹ حاصل ہووے جیدے تسی حقدار او۔

تہانوں میک گیولری انجری لاء دی لوڑ کیوں اے

فرم دی 30 سالہ تریخ دے دوران، میک گیولری انجری لاء نے اپنے کلائنٹس نوں پیشہ ورانہ قنونی خدمتاں دین لئی اپنے طریقیاں نوں ہور چنگا بنایا اے۔ کیوں جے میک گیولری لاء دیاں مرکزی خدمتاں جسمانی چوٹ اتے انشورنس دے حوالے توں نیں، ایس لئی سانوں معلوم اے کہ ساڈے کلائنٹس کیداں دی کیفیت وچ مبتلا نیں اتے طریقہ کار کِنا اوکھا اتے پریشان کُن ہو سکدا اے۔ دہائیاں دے ساڈے تجربے نے ساڈے طریقیاں نوں اُوس دباؤ اتے سختی وچ تھوڑی سہولت دین لئی اک باقاعدہ شکل دتی اے جیدا سامنا ساڈے کلائنٹس معذوری دے عرصے دے وچکار کر سکدے نیں۔

میک گیولری لاء قنونی دنیا وچ اک نواں ٹیکنالوجیکل رہبر اے۔ ساڈی ٹیم جدید ترین فائل مینیجمنٹ اتے کلائنٹ نال مواصلت لئی ٹولز رکھدی اے تاں جے ایس گل نوں یقینی بنایا جاوے کہ اسی اندرونی ادارہ جاتی تاخیر وچ نہ الجھیے اتے تسی اتے تہاڈے مقدمے تے توجہ دے سکیے۔

کار حادثے دے کارن توں جسمانی چوٹوں دا شکار ہون توں بعد وکیل دیاں خدمتاں ویلے نال حاصل کرن دے فیدے ہوندے نیں۔ ایہدے نال تہاڈے مقدمے وچ چھیتی پیش رفت ہو سکدی اے، وکیل چنگے مطلوبہ ماہراں نوں شامل کر سکدا اے، بیان دیندیاں تہاڈے حقاں دا تحفظ ہوندا اے، طبی علاج معالجے لئی کوریج لین وچ مدد لبھدی اے، قنونی کارروائی دے دوران ذہنی سکون مِلدا اے، اتے تہانوں موزوں معاوضہ لین لئی لیوریج ملدی اے۔

1. رفتار: انشورنس کمپنیز نوں اپنے ولوں ویلا چاہیدا ہوندا اے پر جسمانی چوٹ دے شکار شخص نوں مالی تنگیاں وچ سُکھیائی لئی چھیتی حل چاہیدا ہو سکدا اے۔
2. پکا ثبوت: آسان مُقدمیاں وچ وی، زخمی شخص نوں ایہدی لوڑ پے سکدی اے کہ اوہ منصف نوں فزیشنز اتے علاج معالجے دے فراہم کاراں ولوں ملن آلے ثبوت دیوے۔ ودھ شدید جسمانی چوٹاں دے مُقدمیاں وچ، زخمی شخص نوں منصفین دی فائل وچ اندراج لئی طبی ماہراں، انجینیئرز اتے معاشی ماہراں سمیت ماہراں دیاں صلاحواں چاہیدیاں ہو سکدیاں نیں تاں جے اوہناں کول تہانوں اُوس ادائیگی لئی جواز موجود ہووے جیدے تسی حقدار او۔ اک چنگے وکیل نوں ای معلوم ہوندا اے کہ اوہناں نوں کیہ چاہیدا اے اتے اوہ تہاڈے لئی اوہناں رپورٹس نوں اکٹھا کرن تے آن آلے خرچے لئی فنڈ کرے گا۔
3. بیان: تسی جیہڑا احوال دسو یا جیس طریقے نال سوالاں دے جواب دیوو، اوہناں نوں سیاق و سباق توں ہٹ کے وی پیش کیتا جا سکدا اے اتے بعد وچ تہاڈے خلاف وی ورتیا جا سکدا اے۔ وکیل دی مدد نال، تہانوں عام غیر متوقع خطریاں توں بچن لئی معاونت ملے گی اتے ایس بارے یقین دہانی ہووے گی کہ تہاڈے بیان واضح نیں اتے اوہناں دی غلط تشریح نئیں ہووے گی۔
4. طبی علاج معالجہ: تہاڈے مقدمے اتے تہاڈی تندرستی لئی طبی علاج معالجہ اہم ہوندا اے۔ ایہہ تہاڈی ذمہ واری اے کہ اپنے نقصاناں دا ازالہ کرواؤ یا بہتر لین دی کوشش کرو، ایس لئی تہانوں طبی علاج معالجے اتے سہولتاں لئی اپنی طبی ٹیم دیاں سفارشاں تے عمل کرنا چاہیدا اے۔ کئی ویلے، اپنی ذاتی انشورنس کمپنی توں علاج معالجے لئی فنڈنگ لینا مشکل ہو جاندا اے۔ اک چنگے وکیل کول ایداں دے ٹولز ہوندے نیں کہ اوہ تہاڈی ذاتی انشورنس کمپنی نوں ایس گل نوں یقینی بنان لئی متحرک کرے کہ اوہ تہاڈے طبی علاج معالجے لئی باقاعدہ فنڈنگ کرے۔
5. ذہنی سکون: کار حادثے دی صورت توں انشورنس دی کوریج لین وچ پیچیدگیاں، اُلجھناں اتے ماڑے سلوک ہوندے نیں۔ ایہہ تہاڈے وکیل دی ذمہ واری اے کہ اوہ تہاڈے مخصوص حالاتاں نوں سمجھے اتے اوس حوالے توں موجود قنون اتے مراعات لئی درخواست دیوے۔ وکیل نوں ویلے دے مراحلیاں نوں سامنے رکھنا چاہیدا اے اتے یقینی بنانا چاہیدا اے کہ کوئی وی شے نظر انداز نئیں ہوئی۔ اک چنگی قنونی ٹیم تہانوں تسلی دین اتے ذہنی تناؤ دے احساس نوں گھٹ کرن وچ تہاڈی مدد لئی موجود اے، تاں جے تہانوں معلوم ہووے کہ تہاڈیاں بنیادی ضرورتاں دا احاطہ ہو گیا اے اتے تسی کوئی وی غلط کم نئیں کر رہے۔
6. لیوریج: جدوں تسی انشورنس کمپنیز نال معاملے طے کر رہے ہوندے او، تاں تہانوں شاید محسوس ہووے کہ تسی وکیل دیاں خدمتاں لین لئی دباؤ پان دی لیوریج رکھدے او۔ ایتھے تیکر کہ بھاویں تسی مقدمے نوں چنگی طراں پیش کر سکدے ہوو، تاں وکیل دیاں خدمتاں لین دا دباؤ کافی نئیں ہوندا اے۔ لیوریج لین لئی، مقدمے نوں موزوں ثبوتاں نال باقاعدہ طور تے دستاویزی اندراج شدہ ہونا چاہیدا اے تاں جے انشورنس دا تعین کار سیٹلمنٹ دا انتظام کرن آلے انشورنس دے عہدیداراں سامنے جواز پیش کر سکے۔ وکیل دیاں خدمتاں لین دا دباؤ اک معمولی دباؤ ہوندا اے جیہڑا کہ انشورنس کمپنی لئی پریشان کُن نئیں ہوندا۔ جے ایداں دا وکیل موجود ہووے جیہڑا کہ منصفانہ سیٹلمنٹ لین وچ مدد لئی ثبوت پیش کر سکدا ہووے اتے قنونی کارروائی وچ لیوریج دے سکدا ہووے، تاں ایہدے توں کافی فرق پے سکدا اے۔

شراکت داراں ولوں اعتراف

ساڈے شراکت داراں ولوں اعزاز ایہہ ظاہر کردے نیں کہ اسی اٹلانٹک کینیڈا وچ جسمانی چوٹ دے حوالے توں ساریاں توں وڈے ذاتی وکیل آں۔

کینیڈا دے قومی اخبار ولوں ساریاں توں چنگی قنونی فرم دا اعزاز

شخص نوں جسمانی چوٹ دے حوالے توں سرِفہرست 5 بوتیک

Lexpert ولوں درجہ بند وکیل

2024 دے ساریاں توں چنگے وکیل

ساڈی ٹیم

میک گیولری لاء وچ، ساڈے کول 34 وکیلاں، 26 معاون قنون داناں اتے 51 معاونتی عملے دی ٹیم موجود اے جیہڑی کہ ساڈے کلائنٹس نوں پیشہ ورانہ قنونی خدمتاں اتے تعاون دین لئی رل مل کے کم کردی اے۔ مجموعی طور تے، ساڈی ٹیم نے 2023 وچ 1,500 توں ودھ کلائنٹس نوں تعاون فراہم کرن نوں یقینی بنایا۔

ساڈی ٹیم 12 بُولیاں وچ خدمتاں دیندی اے، سمیت پنجابی۔ تسی ایہہ جان کے آرام دہ محسوس کر سکدے او کہ تہاڈے کول ایداں دی قنونی ٹیم موجود اے جیہڑی تہاڈی بولی وچ گل کردی اے اتے تہانوں سمجھدی اے۔

مشاورتاں مفت نیں۔

جے تسی اپنے قنونی اختیاراں بارے بغیر کسے پابندی توں جاننا چاہوں گے، تاں مفت مشاورت دا تقرر کرن لئی ساڈے نال اج دی رابطہ کرو۔

تسی پہلاں کوئی مُل نئیں بھردے۔

اسی صرف اوس ویلے وصولی کردے آں جدوں اسی تہاڈے مقدمے وچ کسے مطلوبہ نتیجے تے پہنچ جاندے آں۔ ممکنہ فیس کامیاب سیٹلمنٹ دی اک طے شدہ شرح دے مطابق ہوندی اے۔

پہلا قدم کیہ ہوندا اے؟

تقرری توں بعد، اسی تہاڈی فائل لئی ساری ضروری خط وکتابت اتے ثبوت اکٹھا کردے آں۔ اسی عدالت وچ تہاڈا مقدمہ دائر کرن دے حوالے توں اقدامات کردے آں اتے اوہناں لوکاں اتے/یا اداراں نال رابطہ کراں گے جنہاں دے خلاف اسی دعویٰ دائر کراں گے۔